dat staatleche Lottomonopol es am wanke. Private Lottospelljesellschafte losse sech jetz noh mieh enfalle, öm Üch afzezocke. Se verspreche Üch dat Blaue vom Hemmel, domet Ehr bei denne ehre dotsechere System metspellt. De Schanks, datter jet jewennt, es secher jrößer je mieh Reihe gespellt wehde. Ne möchleche Jewenn es doför ömso kleener, weil Ehr met alle angere von de Tippjemeenschaff deele mösst.

Von Üere Ensatz wöhd nit nor de Tippzeddeljeböhr afjetrocke, songern dä faberlhafte selvsernannte Jewennspell-Experte will och jet hann. Von wat soll hä sons läwe? Wä soll för de Koste opkomme, die hä för sinn Reklam on Call-Centers berappe moss? Ech kann et Üch sare: Ehr! Dat jeht alles von möchleche Jewenne af. Äwwer kinne deht Üch sare, wievill et es, wat afjetrocke wöhd. Äwwer et es klor, wä afjetrocke wöhd – nämmech Ehr! Dat Verhältnes von Ensatz zo Jewenn es, wenner Üere Lottosching selvs an de Lottobud afjövt, öm Länge besser. Dat säht och de Steftong Waretest.

Nix för onjot. Bes nähste Woch.
Üere
Charle-Manes