sit mieh als ee Johr sidder jetz schonn Baas von en jroße Koalezjon. Met die satte Miehheet, die Üer Rejalt hät, mösste sech eejenslech all de decke Brocke stemme losse, för die vörher de Miehheete nit do wore. Do es de Jesondheetsreform! Et es höhste Ziet, do mal jet Rechtijes ze make. Dat es eene von de seldene Jeläjeheete en nem Poletekerläwe, eemol de jroße Worf ze make on sech e Plätzke en de Jeschechtsböhk ze sechere.

Äwwer wat passeeht? Nix als Driss! Üer Enknecke vör de Lobbyjeste-Bajasch es de deefsde Kotau, dä ech je jesenn hann. Et kotzt mech an! Sit ech vör öwer fuffzich Johr en de Liehr jekomme ben, kunnt ech jenau beobachte, wies de Pharmalobby de Soledarjemeenschaff usnähme deht. Ehr künnt mol Üere Pahteifrönd Seehofer frore. Dä wöhd Üch jähn bestätije, dat dat Jesendel de Hals nie vollkritt. Dat wöhd och so bliewe, wenn Ehr de Jeläjeheet, hee endlech mol Näjel met Köpp ze make, notzloss verstrieche losst.

Nix för onjot. Bes nähste Woch.
Üere
Charle-Manes