letzde Woch send de Mineralöljesellschafte henjejange on hant de Priesdifferenz zwesche Normalbenzeng on Super halbeeht. Ursprönglech wore dat mol 2wee Cent – nu es et mar eene. Drop send de Ziedongsreakzjone landop/landaf am jammere, de Mineralöljesellschafte wolle dat Normalbenzeng afschaffe. Die sare zwor "Nä"; äwwer se wollen et doch, wat och vernönftich es.

Sex Zohte Sprit: Normal met 91 Oktan; Super met 95; SuperPlus met 98 bes 100 Oktan; Diesel; BioDiesel on SuperDiesel. Dat es e Ondeng, wat et annesons nor en Östreech on en de USA jövt.

Normalautos könne problemlos Super fahre. Leestongssteejerong bei SuperPlus odder SuperDiesel es so jot wie jarnix. Sojet bruche bloss Kähls, die ehre Karre soweso mar als Pimmelverlängerong betrachte. BioDiesel hät noch nit de Zostemmong von de Ferme, die de Zöndajjrejate leefere. Wä well, kann et jo rendonn. So wies minne Fründ René Chr… Dä deht nämmech drekt Schlaatöl von Aldi enfölle. Domet löpt sinn Kest och.