Jazz jehts loss!


Leev Lütt,

mer send en Düsseldorf jo nit ärm draan, wat Veranstaltonge anjeht. Selvs wenn de stromlinnijeförmich noh de Rothuusspetz usjerechtete Verwaltong Veranstaltonge, die nit en dat engsternije Weltbeld von ehre Vörturner passe (wies dat Hafefest), schonn em Vörfeld met sovill Hendernesse beläje deht, dat selvs hattjesottene Veranstalder dat Hangkdoch schmieße, bliewe doch noch en janze Reih öwrich.

Een dovon es de Jazz Rally. Dat es Deutschlands beröhmsde on jrößde Jäzzveranstaltong. Des Johr de 16. Schermhär es Doldingers Kläusken, dä hee schonn en de Fuffzijer Jöhr met sinn "Fößwärmer" em lejendäre "New Orleans" optrot. On ofwoll ech kinne em doför musikalesch qualefizeerende Hengerjrond erkenne kann, hät sech ons thörenger Jrensback de Metschermhärschaff nit nämme losse.

Et bejennt am 8. Mai en de Palzruin von Kischwäht. Ensjesamt dont zerka 250 Könsler so 70 Konzähds jäwe. Die fende op 35 Böhne statt, die öwer de janze Stadt verdeelt send. Mr kann et nit verfähle. Emmer dr Musik noch.


Nix för onjot. Bes nähste Woch
Üere
Charle-Manes