lieder Joddes es fesszestelle, dat emmer mieh Dompfbacke dr Senn ehres Läwens dodren sünn, angere ze zeeje, wat för e Jewaltpotenzjal en enne steckt. Mieschdens de jöngere. Startplätz för dat Onwäse send off Foßballveranstaltonge. Et fängt loss de Stadije on setzt sech em öffensleche Nohverkiehr fott. Lektresche, Busse on S- on U-Bahne send betroffe samt de Bahnhöff. Et kömmt zo Vandalesmos-Akzjone on sojah Brandsteftong. Schlemmer noch: Onfassbar brutale Jewalttate jäje onbedeelichte Personne.

Weil et schwier es, all die Malefikante ze schnappe, es mr henjejange on hät Videjoöwerwachonge enstalleht. De Bahn hät jode Erfahronge domet jemaht. Och de Stadt on de Polezei. Jetz hät de Rheinbahn nohjetrocke. Trams on Busse wohde met Videjokameras usjeröstet. Die künne dörch Dröcke op ne jröne Knopp von de Fahrjäst selvs aktiveeht wehde on sende de Opnahme dann tirekt zor Leitstell.

Dat koss natörlech jet. Nit nor Kohle. Och de Jrondreihts op Privatsphäre on enformazjonelle Selvsbestemmong wehde tangeeht. "Darf dat sinn?" fracht de Börjer. "Jo, solang die Opnahme nit jespeechert wehde." Wahrnämme darf mr die Opnahme – och met Hölp von technesche Enrechtonge. Dat es kinne Verstoß. Solang de Öwerwacher sech dodraan halde, kann ech domet läwe. Et es dat kleendere Öwel.