Nome send Schall on Rooch


Leev Lütt,

Düsseldorf wor emmer mar e besser Dörpke. Öm dat ze ändere, hät mr vor 100 Johr ne Hoope von ömliejende Dörpkes enjemeendet. Weil dat äwwer dann emmer noch nit jereecht hät, kom 1929 de 2wedde Enjemeendongswell on 1975 de dredde. Nor de Monnemer send ons wedder von de Schöpp jehöppt.

So wiet – so jot. Bei Enjemeendonge hammer natörlich dat Problem, dat dodörch dann 2wee odder mieh Stroße däselwe Nome hadden. Domet et dann nit so e Dörchenanger jövt wie en Kölle, wo se alleen veer Dieselstroße hannt, wohden hee bei Jlichheet alle bes op eene enfach ömbenannt. Dat wore noh de ehschde Enjemeendonge 114 Stöck; noh de 2wedde nochens 118. De nähste 77 Ömbenennonge jowet em Dredde Reech. Die heelden äwwer mar duusend Johr. On de dredde Enjemeendongswell bedengte mar 21 Ömbenennonge.

Wä nu jedacht hät, dat et dat wor on et nüe Stroßenome nor bei nüe Stroße jövt, de mosst sech de letzde Jöhr nes Bessren beliehre losse. Wenn hee ne Half- odder Janzprommi ripsch jejange wor, kridden dä plöck op e Stöckske von en alde Stroß sinne Nome dropjepappt. Dann kome de Ferme, för die mr de Stroße, wo se wore, noh enne ömbenannt hät. Wat dat för Problemches met sech brenge kann, kammer an de LTU-Arena-Stroß senn. De Stroß es noch do, äwwer de LTU-Arena heeßt jetz Esprit-Arena.


Nix för onjot. Bes nähste Woch.
Üere
Charle-Manes