es et Herws jewohde. De Bööm wehde bont on de rejonale Mondahtthiater hannt Hochsäsong. Se speele, wat de Brääder halde. Ech ben ne usjesprochene Fän dovon on donn mech die all jähn an. Minn Favoridde: Et Lotumer Burethiater en Meerbosch, de Nüsser Schnuut en Kaarst, et Schnibbelthiater en Düsseldorf on et Wolljemoth en Solich. On dat en die Reihenfolch.

Et Lotumer Burethiather jöwet zenger 1982. Ent Läwe jerope dörch ne Fröndeskrees röm on töm Schmalbachs Karl. Dä wor och Metenizjator vom Schnibbelthiather. Öwer a paah Pönkt wor mr verschiddener Ansecht. Deswäje es mr bald drop eejene Wäch jejange. Schmalbachs Karl es för de Lotumer de Jode Jeest. Hä werkelden nit nor als Literat, dä de Stöck en de lokale Mondaht öwerdrare hät; songern och als Schauspeeler on Rejissör on Mädche för alles. Bes hütt.

Sit Medde des Mond löppt do "Bur möt Vörkenk". 18 Vörstellonge bes zom 22. Novämber des Johr. Nommereehde Sitzplätz. Alles usverkooft. Ech hann et mech anjesenn. Resömmeh: Dat Beste von allem, wat ech en die Aht bes jetz jesenn hann. Brilljante Schauspeeler (alde on jonge), spretzije Dialore on en usjezeechnete Rejie losse dat Stöck zom reene Verjnöje wehde. Dat Publikom häldet nit op de Sitz. Loofend Szeneappelaus on lange Schlossbeifall wor de jerechte Lohn.