Valentin on ÷mwelt


Leev Lütt,

Sonndach es Valentinsdach. Wäjens dem Beschoff Valentin. Däm hät de römesche Amperör Claudius II am 14. Feberwar 269 henrechte losse, weil hä trotz Verbots kerchleche Trauonge vörjenomme hät. Dat wor e jefonge Fresse för de Kerch. Weil die so zeemlech bellich anne Schotzpatron för Verleevte komme kunnt, hät se em hellich jesproche on sinne Dodesdach zom Valentinsdach jemaht.

Doch dat es nit alles, wat am 14. Feberwar jefiert wöhd. Och de Stadt Düsseldorf fiert. Die fiere de ehschde Johresdach von de Ömweltzon. Dat es dat Jebiet, woste nor met en Ömweltplakett am Auto erindarfs. För Anwohner on Jewerbedriewende jowet Usnohmejenähmijonge. Die wore befrested. Bes Sonndach mössen die entswäder nohjeröstet odder sech e anger Auto met Plakett besorcht hann. Verlängeronge von de Usnohmejenähmijong jövt et so jot wie kinn mieh. Dat mäht Hintzens Ditmar vom Stroßeverkiehrsamp alle Andrachsteller höflech äwwer bestemmp klor.

Et kömmt noch schlemmer. Aff 2011 jövt et jah kinn Usnohme mieh. On dodröwererus wehden wahrschinglech och die Äutokes met rode Plakedde nimmieh en de Ömweltzon erinfahre dörfe. On aff 2012 och die met jäle Plakedde nimmieh. De Ömweltzon jildet och för mech. Ech moss noch dree Johr wahde bes mi Möbbelche 30 on domet ne Oldie es. Dann darf ech widder erin.


Nix för onjot. Bes nähste Woch.
Üere
Charle-Manes