Es qualme e Jrondbedörfnes?


Leev Lütt,

ne Menge Lütt hannt fies Marejrimme jekritt, weil Deutschland henjejange es on de Hellene, die johrzenndelang öwer ehr Verhältnesse jelävt hannt, Jeld jejowe hät, för öm die ze redde. Weil dat noh de Artekele 123 on 125 vom Lessabon-Verdrach verbode es, hannt fönf Professore deswäje och Klare beem Verfassongsjerecht enjeriecht. Et wöhd allerdengs noch jet Ziet ent Land jonn bes die Klach entschiede sinn wöhd. Bes dohen blifft ons dat onjode Jeföhl erhalde.

So e onjot Jeföhl kammer och bei manche Beddeler on FiftyFifty-Verkööfer krieje. Vör allem bei solche, die Zowendonge ersichtlech nit nor zor Deckong der Jrondbedörfnesse verwende. Noh minnem Verständnes jehöht Halde von Höngk odder Qualme nit dozo. On och werklech total sozjal enjestellde Lütt, so wies minn Stüerverrödersche Welma P. us Feschele, donnt sech schwier, wenn se op Bedörftije treffe, die dr Meenong send, dat Höörfärwe e Jrondbedörfnes sei.

Mattes Werner, dä sech als Broder Mattes hee en Düsseldorf öm de Obdachlosse kömmert, kennt dat Problem. Resichneeht zockt hä met de Scholdere on erjänzt, dat e paah von denne ehr besske Jeld och noch en Allolol ömsetze. FiftyFifty-Baas Bätes Ostedorf üssert sech janit dozo, ofwoll hä miehfach öm en Stellongnohm jebäde wohd. Off hä nit will odder nit kann?


Nix för onjot. Bes nähste Woch.
Üere
Charle-Manes