Fähnsiehe op Düwelkommerus


Leev Lütt,

als ech ne kleene Dopp wor, jowet noch ki Fähnsiehe hee. Dat kom ehsch anfangs de Fuffzijer. De ehschde Fähnkickkeste, die ech jesünn hann, stunge en de Schaufinster von Rondfonkläde. Do sammelden sech et owens emmer Druuwe von Minsche vör, för öm Fähnsiehe ze kicke. Manche Läde hadden sojah ne externe Lautsprecher drusse anjebraht, domet mr zo dem Jeflemmer och jet höre kunnt. Et jov mar ee eenzich Projramm. En schwatt/wiss. Äwwer schön et wor trotzdemm!

Als nähstes dohden sech e paah Kneipers ne TiVi anschaffe. Die wohde dann en de Wehtschafte opjestellt. Dodörch hadden ech 1954 mi ehschdes jroß Fähnsieherlävnes. Henge em Säälche von de Jaststätt "Zor Schönau" en Jerresheem wohd dat Engkspill von de Foßball-WM öwerdrare. Dat Wonder von Bern. On ech wor dobei! De Entweggelong vom Fähnsiehe jeng dann plöck vöraan. 1963 kom et 2DF. Färv jowet af 1967. Bes 1969 hadden alle Dredden Projramme de Sendebedriev opjenomme. 1981 wohden private Sender zojelosse. Enzwesche hammer hee mieh als wies 150 deutschsprochije Projramme. Do send de Östreecher on de Iedjenosse noch niddens metjezällt.

Weil et jetz och kinne Sendeschloss mieh jövt, songern rongk öm de Ohr jesendet wöhd, moss jetz praktesch op Düwelkommerus produzeeht wehde. Dat jeht natörlech off op Koste von de Qualetät. Minn holde Isolde on ech hannt och e Stöck dozo beijedrare: Letzde Novämber wore mer bei de Opzeechnong vom jroße Rechtschrievtest met dobei. Et jov fönf Jruppe: Foßballer, Emmejrante, Bajuware, Lährer on Schournaleste. Densdach, 1. Mähz 2011, wöhd dat usjestrahlt. Öm Veehdel noh Acht bei RTL II. Wie ons Schournaleste-Kreppke afjeschnedde hannt, künnder do dann sünn.


Nix för onjot. Bes nähste Woch.
Üere
Charle-Manes
 
Der grosse Rechtschreib-Test RTL II mit SonjaZietlow (PDF)