Usbekistan


Leev Lütt,

als hee Medde letzden Mond met onsächlechem Brimboriom de Europameesterschaff em LaLaLa-Wettbewerv usjedrare wohd, simmer jeflöchtet. Minn holde Isolde on ech. Fott – wiet fott bes noh Zentralasije. Dat hät och prima jeklapp. Do hammer von dem janze Tamtam nix metjekritt. Janix.

Janz em Jäjedeel. En Läserreis von de NRZ -zosammejestellt von Jlobalis-Reise us Schöneck- es zo nem wonderschöne Orienturlaub jewohde. Tirektfloch von Düsseldorf bes Westusbekestan. Do Afholong mem Bus för en tolle Stodienreis lans de alde Siedestroß. Ehschde Stazjon es Chiwa. Dat es mar e klee Städtche, äwwer et es jenau so wie mr sech dat us 1001 Naht vörstelle deht. De UNESCO hät dat och so jesünn on et zom Weltkultorerwe erkliert. Reiseleiter wor Azamat Azizov. Ne jonge Usbeke, dä do on en Jena Deutsch stodeeht hät. Hervörrarend sinn Sachkenntnes on de Scharm met die hä ons si Land tirektemang ent Hähz katapolteeht hät. Mer hannt de Fahde dörch de Wöste on lans dem Oxus jenau so jenosse wie de Besechtijonge von sarenömwobene Städte: Buchara, Shar-i-Sabs, Samarkant on Taschkent. Met ehr Moscheë, Minaretts on Medresse, Paläst on Residenze, Mausoleöms on Nekropole. De historesche Fijure Usbekestans stets präsent: Uleg Beg, Dschingis-Khan on Tamerlan, Emire on Könije, Wesseschaffler on Poete. De Hotels wore jot. Kösslech et eenheemesche Esse. Lecker och de do prodozeehde Jetränke: Bier, Wing on Wodka. Dat Land sauber on de Bevölkerong öwerus leewenswöhdich. Ech kann Üch dä Trip ant Hähz läje.

Minusponkt: Hamburch Ährways es op'm Röckfloch us ökonomesche Jrönd en Kölle jelandet statts en Düsseldorf. Mol kicke, wä ons de Miehkoste doför verjöde deht. Ech wehd berichte.


Nix för onjot. Bes nähste Woch.
Üere
Charle-Manes
 
Usbekistan