mer send, wat Jurendonrohe betrifft, enzwesche schonn eenijes jewönnt. Mer kenne de Onrohe vom arabesche Fröhleng, die en Tunesije ehre Ursprong jenomme hannt. Mer kenne de Jurend­proteste us Spanije on us Israel. Mer kenne de Mai-Onruhe us Krützberch on die vom Hamburjer Schanzeveehdel osw. Äwwer dat es alles jet Angeres als dat, wat zor Ziet en England aflöppt.

Am Ihesde es dat noch met de Onrohe von 2005 en Paris verjleechbar. Mr fröcht sech, wie sojet möchlech es. Een Ursach es secher de kolonjale Verjangeheet von die zwee Staate, wodörch jeweils ne Hoope Lütt us denne ehr ihemolije Kolonie enjewandert send. Wemmer wieder analyseere deht, wehde schnell e paah Sache offesechtlech. Die Immejrante-Malefikante send jong, männlech, ärbiedsloss. Vill dovon donkelhäutich. Op de zwedde Bleck hanntse vill Ziet, wennich Ver­stand on kee besske sozjales Verantwohdongsbewosstsinn. Wenn angere ärbiede odder liere, bei de Famillich send odder schloope, renne die eröm, plöndere, zerstöre on zöndele. Se verletze on töte Metbörjer. Die Mischpoke kammer nit resozjaleseere, weil, die wore noch nie sozjaleseeht.

Dat krisse och nit hen, weil die sech do total verweijere. Wat also donn? Amperör Sarkozy wollden denne sinnerziet mem Kärcher-Hochdrockreinijer op dr Liev röcke. Dodrus es nix jewohde. Waröm eejenslech? Englands Cameron kritt se jetz am Schlawittche on brengt se vörm Kadi. Wie sahden de australesche Ex-Premjeh Howard zo sonn Bajasch: "Mer donnt üch nit zwenge, hee ze bliewe. Wenner hee nit jlöcklech sitt, dann notzt ne wiedere Vördeel von ons Demokratie on verlosst dat Land." Konsequente Usweisonge von stroffällije Immejrante, wöhd schnell Roh em Bosch brenge.