Ne kohze Explezeer zom Thema
"Waröm jildet de 11 als Narrezahl?"
 

Leev Närrinne on Narre,

De Elf als Narrezahl wöhd enzwesche als so selvsverständlech henjenomme, dat mr schonn jlöwe kann, dat sei e Axjom. En Tatsach, die fesssteht on kinnes Beweises bedarf. Doch, dat kann nit sinn. Och dat moss von erjenswo herkomme. Somet steht die Froch em Raum: "Waröm es dat eso?" Dat fröcht sech nit nor de karnevalestesche Laie, songern och jestangene Berofskarnevaleste frore sech dat manchmol. Äwwer zojäwe? Zojäwe wöhden die dat nie. Die send froh, wenn -wies bei jäde jode Reisejellschaff- eene dobei es, dä sech traut, all die Frore ze stelle, die mr sech selvs nit ze frore traut. Ofwoll dat met de 11 en enfache Froch es, esset nit so enfach, se ze beantwohde. För en sachjerechte on vernönftije Explezeer moss mr schonn jet deefer en de Materije ensteije on en de Karnevalsjeschecht zoröckbläädere.

Dobei stößt mr als Ehschdes dodrop, dat dat woll daröm eso es, weil em Karneval de herkömmleche Ordnong opjehowe wöhd. De Elf deht als ehschde Zahl de hellije zehn Jebode öwerschriede. Se stellt sech kackfrech meddemangs zwesche de zehn Jebode on de zwölf Apostele. Weil de Narretei sech stets jäje de Owrichkeet jerichtet hät, sowoll jäje de weltleche als och de jeesleche, wor de Narretei de Owrichkeet emmer e besske suspekt. De Kerch hät drop op'm Eschde Vatikanesche Konzil 1869 ongerm nünnte Pius (dat heeßt de Fromme) fessjeläht, dat de 11 en söndije Zahl sei. Weil nämmlech beem Karneval jäje fass alles verstöße wöhd, wat de Kerch leev on düer es. Nit nor jäje de zehn Jebode. Dat jeng jo noch. Et wöhd vör allem jäje fass alles verstoße, wat de Kerch von sech us noch dozo enjeföhrt hät, öm ehr Schöpkes op de rechte Wäch ze föhre. Verstöße jäje de Kanon von kerchleche Vör­schrefte on Räjele send schwierwiejender. Weil, do wöhd op Düwel kommerus rejale Nähsdenleev praktezeeht, de Owrichkeet wöhd verkackeiert; mr lösst de leewe Jott ne jode Mann sinn on deht sech ne Driss öm de kerchleche Ordnong kömmere. Zodäm wöhd dobei jedronke. Allolol. Manchmol sovill, dat dä Inri selvs met sinn wondersame Wasser-en-Wing-Verwandlongs-Prodoktzjon nimmieh metkomme wöhd. För de Kerch deht sech so ne Afjrond us renitente Frohsenn, us angsfreiem Usläwe von Löste on sojah von Ensub­ordenazjon op. Dotsönde also. Waröm Dotsönde? Nit weil de bedeelichte Jecke dodraan sterwe. Nä, die nit. Denne deht dat söndije Läwe rechtich jot. Äwwer de Kerch, die wöhd dovon dot jonn, wenn sech de Lütt nimmieh öm denne ehr Vörschrefte kömmere, songern met Lost on Laune dojäje verstoße wöhden. So esset mar jot, dat all die kleenen Sönderlein, zomennes de katholeschen dovon, am Äschermeddwoch ankruffe mösse, öm sech met de Äschekrützkes ehr Afsolezjon afzehole. Wenn nit, so söh et späder met en Versetzong en de ewije Selichkeet zappeduster us. So drohe se jädefalls. Äwwer nor, weil se et jot met ons meene. Odder met sech? Na ja, ejal.

Als Nähsdes erjövt sech, dat de 11 en Primzahl es. De ehschde zweestellije. Se lösst sech nerjens so rechtich enordne. Se passt en ki eenzich Ordnongs­schema. Us 11 kammer och kinn ordensleche Opdeelong mache. Entswäder jövdet elfmol ee Stöck odder eemol 11 Stöck. Angere Opdeelonge send onmöchlech.

Als Dreddes kömmt, dat bei de Elf emmer e1ns näwer e1ns steht. Dat jildet als Symbol doför, dat em Karneval alle jlich send. Här on Deener, Reech on Ärm. De Kölsche hannt drop jemotmoßt, dat dat och met französesche Reweluzjon zosammehänge künnt, weil de Enizjale von Ejalité, Liberté on Fraternité, wat denne ehre Schlachtrof wor, de Bochstawenfolje E L F = 11 erjäwe deht. Also met Jleechheet, Freiheet on Bröderlechkeet och hee widdermols de Ophäwong von de herkömmleche Ordnung. Äwwer dat scheent mech wiet herjehollt. Usserdäm donn ech denne Kölsche schonn us Prenzip nix jlöwe.

De veehde Jrond för de Elf als Jeckenzahl es de 11. Novämber. Dä 11. 11. als Datom vom Faschengsbejinn. Dat es deswäje eso, weil en fröhere Ziede vill landwehtschaffleche Bedriewe op Mähtes, also am 11. 11., ehr Ärbied bes zom Fröhjohr enjestellt hannt. Kneihts on Maids kridden dä Dach ehre Lohn usjezallt on notzden dat doför, öm e usjelosse Fess ze fiere, wo se sech off jenoch öwer ehr Härschaff lostich jemaht hannt. Somet wor de 11. 11. de Jebohtsdach von de jöhrleche Narretei. Kömmt dozo, dat och de Hoppeditz als Symbolfijur vom Düsseldorwer Karneval, dä Dach zom Läwe erwache deht.

Zom jode Schloss kömmt noch, dat de 11 die ehschde us en lange Reih von Schnapszahle es. För de Karnevaleste ne wellkommene Anlass, sech dodrop eene ze jenämmije. Wann on wo och emmer se op sojet stoße. Dat es och de Jrond doför, dat de Narre nit mem Dezemalsystem rechne, songern mem Elfersystem.

Dat woret. Fassemer kohz zosamme. De 11 es:

1.    En söndije Zahl jensitts de öwerkommene Ordnong.
2.    En schwier enzeodnende Primzahl.
3.    Symbol för de Ophäwong von de hierarschesche Ordnong.
4.    Sennbeld för unjelossene Fröhlechkeet.
5.    De Bejinn von en lange Schnapszahlenreih.

 

Nix för onjot.
Üere

Charle-Manes