De Selwerhochziet
 
von Reilands Karl

Kalli "Hütt hammer Selwerhochziet.
Do sollte mr ons eejenslech jet Besongersch jönne."
Resi "Wat meenste, woröm mr ons so fein jemaht hant?
Ech hann för ons en de Rhingterass ne Desch reserveere losse."
 
Ober "Haben Sie einen Tisch bestellt?"
Kalli "Mr wolle onsere Hochzietsdach fiere on kinn Möbele koofe."
Ober "Welcher Name bitte?"
Kalli "Kalli"
Ober "Ich meine selbstverständlich Ihren richtigen Namen."
Kalli "Ach so – Karl-Pitter."
Ober "Nein – Ihren Nachnamen!"
Kalli "Reiland – vöre e jroßes 'R' on henge e kleenes 'Eiland'!"
Ober "Ja, da haben wir es endlich – Tisch 17 bitte."

(Geleitet die Gäste zum Tisch und bringt die Speisekarte)

"Was darf ich zu trinken servieren?"
Kalli "Ech hät jähn e Alt on ne Samtkrare."
Ober "Verzeihung – in diesem Lokal herrscht Weinzwang!"
Kalli

"Do höht sech doch alles op.
Die fönfonzwanzich Johr wore jo nit emmer zom Laache;
äwwer deshalv jetz öffenslech bratsche?"

Ober (leicht genervt)
"Ich meine, ich kann Ihnen nur Wein servieren
– einen weißen oder einen roten."
Resi "Dat es ejal. Minne Mann es sowieso färweblend."
Kalli "Dann breng ons 2wee Jläser 'Kröver Nacktarsch'.
Dat es dat eenzije, wat ech kenn."
Ober

"Sie müssen doch den Wein nach dem Essen aussuchen!"

Kalli "Och dat sehe mr nit so eng, nit Liebche? Zohuus schmeckt mech e Bier
zo allem. Woröm soll dann de Wing nit schmecke? Äwwer kinne Etzich –
dat möje mr nit. Nu halt Dech draan – ech hann Dohsch!"
Ober "Darf ich vorab einen Aperitif bringen?"
Kalli "Wat soll dat denn schonn widder sinn?"
Ober "Nur ein Getränk, um den Appetit anzuregen."
Kalli (dä ne staatse Kähl es)

"Nu kick mech ens aan!
Jlövs Do, dat ech dat nödich hann?"

(Kalli und Resi studieren die Speisekarte)

Resi

"Hässe Dech schonn jet usjesöhkt?"

Kalli

"Enä, ech weeß bei de vürnähme Fraaß janit,
wodrop ech Honger hann. Verstehste dat all, wat do drop steht?"

Resi

"Ech wor op de Höhdere Scholl. Wie wöret emol met Has?"

Kalli "Öm Joddes Welle! Do dont se ons dann villeech en Katz ongerjubele."
Resi

"On wat wör met Fesch?
Wat hälste denn von Seezong en Schampanjer för zom Beispill?"

Kalli "Wat, von sonne kleene Fesch de Zong?
Wie soll ech denn dovon satt wehde?"
Resi

"Äwwer Austere?"

Kalli "Hör mech bloss op domet! Dat es alles jelore – von wäje Potenz!
Ech hann ens eenst sex Stöck dovon jejesse on nor 2wee dovon hant jewerkt. On doför dat ville Jeld!"
Resi "Wat hälste denn von Weld? Dat es wennesdens BSE-frei."
Kalli "Doför kannste dann äwwer op Schrotkurele bieße."
Resi "Dann nämme mr jet Vejetaresches."
Kalli "Ech ben doch kinne Ohs!"
Resi "Lammfleesch wör och nit schleiht."
Kalli "Weeß ech, of die dann nit ne alde Hammel serveere?
On dann de ville Knofel – dä kann ech janit verdrare."
Resi

"Wie wöret denn mol met Hern? Dat hatte mr noch nie."

Kalli

"Wennste meens, dat Do dovon dann jet mieh kriss, bestell et Dech jähn."

Resi

"Odder Zong en Burjunder?"

Kalli "Wat angere schonn em Mull jehatt hant?
Do bestell ech mech leewer en Eierspeis."
Ober "Haben die Herrschaften gewählt?"
Kalli "Ejo – för mech Cörrywohsch met Pommes rod-wiss.
On Do Schätzke?"
Resi "Dat nähm ech ech och – on ne Klore dobei."
Kalli "Mr jönnt sech jo sons nix!"