Dä woll beröhmdeste Düsseldorwer es secher dä 1797 hee jeborene Dechter Heinrich (alias Harry, Henry odder Drickes) Heine. Däm häddet jo so rechtich dörch de Welt jedriewe. Hä es nit nor en Deutschland zeemlich vill erömjekomme, songern hä hät och en vill angere Länder jelävt – för zom Beispill en England, Italije on Frankreech. On 1827 hät hä för öwer Düsseldorf voller Stolz jesaht: "Jo Madamm, do ben ech jebore". On hä fohr fott: "De Stadt Düsseldorf es sehr schön, on wemmer en dr Fremde an se denkt on zofällich do jebore es, wöhd enem wonderlech zo Mot. Ech ben do jebore, on et es mech als möht ech jlich noh Huus jonn."

Wennste hüttzedach met alde Düsseldorwer sprichs, höhste off dä Sproch, dat fröher alles besser wor. Trotzdäm send se alle enhellich dr Meenong, dat sech an dr Ussach von Heines Drickes em Jronde jenomme bes hütt nit vill jeändert hät, on malk es stolz op sinn Vatterstadt. On dat och zo Rääsch. Secher hät sech zenger Heines Ziet bes hütt vill jeängert. Do wor Jodes als och wennijer Jodes dobei. Dat mieschde dovon es Ansechtssach. Wat däm eene sinn Üel es däm angere sinn Möschtijall. Dat es normal. De Stadt lävt on entweggelt sech wies alles wat lävt. Se hät Deef- on Höheponkte. Äwwer em Jroße on Janze semmer janz jot öwer de Ronde jekomme on hant ons stets von de Blessure, die ons zojeföcht wohde send, jot erhollt on wiederentweggelt. Enzwesche ben ech och ne alde Düsseldorwer. Vörem Kreech em Thresjehospital op dr Aldestadt jebore on dann so dörch e halv Dotzend Stadtdeele jetrocke; hann ech hee schonn so manches jesenn on erlävt. Dovon hee e paah Sache, die mech us minn Kengerzeit besongersch em Kennes jebleewe send.

Do wor dr Kengerjahde op de Heyestroß, wo Anfangs de Veehzijer stramm met "Heel Hetler" jejrößt wehde mosst. Em Wenter 1943 wor de Rhing zojefrore. So kunnt ech zosamme met minn Jroß vom Altstadtufer, wo noch de schöne alde Hafekrän stunge, zo Foß öwerm Rhing bes zor Jupp-Jöbbels-Jurendherberch, wie se domals heeß, talpe. Mr stunge als Pänz bewondernd bei de schmessije Parad von de Hetler-Jurend dobei on kridden et Kriesche, weil mr noch zo kleen wore, öm metmache ze dörfe. Jott wat wor de Welt bedresse, noch niddens för de Pimpfe hät et jereecht. De Scholl feng an met mieh als 60 Rabauke en de Klass. Als Ströppkes hant mr dann och de Loftanjreffe op Düsseldorf huutnoh meterlävt an anschleeßend de Bombespledder jesammelt on jetrujjelt. Noh'm Zosammebroch hammer bei de Besatzongszaldate de ehschte Näjers en onserem Läwe jesenn on von denne emmer jet Leckeres ze esse jekritt, woför ech hütt noch dankbar ben. Mr jenge mem Henkelmann zor Scholl, denn do jovet Schollspeisong – mol Hawerflocke-Rosinge-Zupp - mol Ähzeendopp. För Maisbrot on alles möchleche angere mosste mr stondelang Schlange stonn. Trotz Läwensmeddelmärkskes mottste schonn mächtich Bezeehonge hann, öm och mol jet von de sojenannte oT-Artekele ze kreeje, wies de Sache jenannt wohde, die en de Tante-Emma-Läde onger dr Thek verkooft wohde. Wie off hann ech beim Melchhole verjesse, vörher et Jeld es de Tööt ruszenämme. On wat för Rieseonreiht dohden sech för mech bei däm Jedanke op, dat de Läwensmeddelkahde afjeschafft wehde solle, weil dann könnden sech jo malk sovill Zocker on angere jode Sache koofe wies hä wollt.

De mieschde Vätter wore enzwäder jefalle odder noch en Jefangeschaff. De Mötter mosste also ahbiede, öm de Famillich on de Rotzije öwer Wasser ze halde. Äwwer mr hant emmer fleeßich metjeholfe. Ech hann als de Kercheziedong usjedrare; wor met dr Schollklass op de Äcker on hann do de Kartoffelkäfer 'afjeplöckt'. Mr hant op de Felder jestoppelt on Schöpsköttele enjesammelt, weil mr die als Dönger för onsere Schräwerjahde bruchden. Zosamme met de Jroß hammer em Wald am Jallberch Bocheckere jesammelt, worus minne Jroß Öl jemohle hät. On op dr Kasteieallee henger de Rennbahn hammer emmer de leckere Esskasteie jekläut.

Trotzdemm hammer och ne Bärm Strieche jemaht. Do send ons off janz dolle Denger enjefalle. Schellemännekes make, Lährer ärjere on Schwazzfahre met dr Tram wor noch dat Harmloseste dovon, wat mr ons do usjedaht hadden. Schönder wor et schonn, Mölltonne met en decke Kohd an Huusdöre, die noh enne opjonn, fessbenge on dann Alarm schelle. Wat hadde mr ne Spaß, wenn de Lütt dann rusjestörmt kome on et floren enne dann de Mölltonne ennet Huus. Wat hammer kohz nohm Kreech als Bengels alde Felmrolle on Munezjon us de verlossene Kaserne on Kinnos rusjehollt on ons domet eejene Röhker-, Stenk- on Knallbombe jebastelt, öm domet de Lütt ze erschrecke. Wat woret en Freud för ons, wenn de Autos nimieh anspronge, weil mer dree-veer Ähdäppele en de Uspöff erinjedeut hadden. Kinne Boom on kinn Latitsch wor ons zo hoch, öm do nit ropzeklömme. Em Pillebach hammer Stachelditzkes jefange on Blodwörm enjesammelt. Kinne Salamander on kinn Blendschleech wor ons zo plöck, för öm se ze jriepe. Met de ehschde Rädches simmer henger de Lektresche herjesstrampelt bes mr ons henge draanhänge on schleppe losse kunnte. Ons Wendvörel on Mäteslämpches wore emmer selvs jebastelt. Mr wosste alle Mätesleedches uswendich on send zom Jripsche schön brav von Huus zo Huus on von Wohnong zo Wohnong jetrocke.

Och wemmer bei manche Ondönichkeete erwescht wohde send, wat mieh els eemol passeht es, on dann och mol so rechtich Schröpp jekrett hadden, wor et trotzdemm en sehr schöne Ziet. Ech möht se nit messe. Äwensso wies de Usflöch, die mr met de Eldere on de Jroß jemaht hant. Dat Wandere en de Ömjäwong, vör allem noh Neandertal, zor Stinder- on Wenkelsmöhl, wor jenau so e Verjnöje wies de Fahte met de Fähnbahne von de Rheinbahn. Do jovet näwer de Linje D noh Düsburch on de K no Kriefeld och noch de Linje M noh Mörs, de O noh Solich on de V noh Vowenkel. Dat könnder op alde Kahde von den Rheinbahn noh senn.

Weil no äwwer hee en de Ziedong Jottseidank nit jenoch Platz es, öm minn janze Vita afzedrocke, esset woll besser, et bei so e paah Erenneronge us de Kengkheetsziet ze belosse. So schleeß ech denn jetz ehschdens minne persönleche Düsseldower Röckbleck on mech zweedens de Wöhd von Heines Drickes an: "De Stadt Düsseldorf es sehr schön, on wemmer zofällich do jebore es, wöhd eenem wonderlich ze Mot."

En demm Senn: Düsseldorf Jlöck Op!
Üere
Charle-Manes

PS.:
Heines Drickes hät jo schonn e schön Denkmol hee en Düsseldorf. Wenner wollt, dörfter von mech, wenn ech mol jestorwe ben, och e Denkmol mache. Ech könnt mech vörstelle, dat ech op de Säul vom alde Thiater, die do jetz so ohn erjends ne erkenntleche Senn mechnix dechnix enfach op dem Plätzke do an de Eck Leefergass/Möhlestroß/Lambätesstroß erömstott, e jot Fijürke afjäwe wöhd.